Pakistan Ke Tajziakaar – 1

yes, it’s another roman-urdu massacre.

 

 

yeh orya namaqool jan hen. yeh nazriyate mujahid hein, baaton ki jihad kerte hen. column nigar hein, tajziakaar hein aur apne farigh waqt men mohallay ke chappar se meindak bhagate hein. qad chota reh jane ki waja se inko angrezon ki sirf burayan nazar ati hen, achayan nazar nahin atin. akhir achai oonchi hoti hai, burai neechi.

inko islam ka shandar maazi bohut yad ata hai. woh din jab khalil khan fakhta uraya kerte the. jab musalmanon ka dunya per raj hota tha, angrezi bhi arbi lehje men boli jati thi, ya arbion ke ehteram men boli hi nahin jati thi. jab mahmood ghaznavi sohn halwa khilane apna lashkar multan laya kerte the. jab andaloos men auqaf walon ki ijazat se masjiden tameer hoti thin.

kher, is daur ke chale jaane men kuch qasoor khalil khan ka khud bhi hai, agr fakhta ki bajaye koi shikari parinda uraa liya kerte, maslan shaheen, tau woh din na jaate.

ye kehte hen ke jamhoori nizam nakaam hochuka he aur ab khilafat ki baari he. ye baarian laga ker hukmarani khelna tau samajh nahin ata, magr ye havaala dete hen khilafate-e-rashida ka. ke woh daur hukmarani ki umda misaal tha. mujhe tau nahin yad kab rashida khalifa bani, magr chalen, namaqool kehte hen tau sahi kehte honge.

muashre men phelti fahashi ne inko bohut uksaya he. fahosh ganon ke sakht khilaf hen. sheila ki jawani ke sakht khilaf hen. in ke khyal men sheila ko jawan hona hi nahin chahiye tha, seedhi boorhi hojati, maut parti thi?

mukhatasaran ye samajh lijiye ke inko islam ke sath zaroorat se ziada mohabbat he. yeh baaten islam ki kerte hen. tareefen islam ki kerte hen. shairi bhi sirf amjad islam ki parhte hen. yeh kehte hen ke har sawal ka jawab islam men maujood he. jee han, hisab ke sawalon ka bhi, muashiaat ke sawalon ka bhi. lehaza apni ilmi kitaben utha ker phenk den. aur parchon ki tyari quran-o-hadith se kiya keren. ameen.

 

 

yeh mubashar luqma hein. yeh ruk ruk ker tajzia kerte hein, jaise inke gale mein luqma phansa ho. aap samajhte honge ke tajziakaari bara asan kam hai, koi bhi kerle. aisi baat nahin. mushkil masghala he. takleefde bhi. is baat ka andaza mubashar sahab ke chehre se lagaya ja sakta he, jab woh tazjia ker rehe hon. woh lechari, woh bezari, woh larkharati huwi awaz. kabhi kabhar itni shidat se hichkichate hen ke lagta hai abhi dam tor jayenge. magr bare hosle wale hen, tajzia keri jate hen.

yeh shokh aur chanchal libaas ke bhi shokeen hen. dekhne men dalaal lagte hen. kuch log ilzam lagate hen ke ye tajzion ki hi dalaali kerte hen. kher, tajziadalaali ke bare men tau kuch nahin kaha jasakta, albatta aisa jora pehen ker inhe shayid kanjaron ki shadi men bhi na ghusne diya jaye.

ye kharri baat ke bohut shaukeen hen, magr inki ane wali naslon ke liye behtar hoga agr ye kum khatarnak pesha apnaa len. ameen.

 

yeh heraan rasheed hen. kuch saal pehle tak ye lakshmi chowk ke khusron ke guru hua kerte the, phir kuch khusron ne inke khilaf baghawat ki, maara peeta aur dhakel ker nikal diya. ab inhon ne daarhi rakh li he aur imran khan ko apna guru maan liya hai. unki perokaari kerte hen. unki haye men haye bharte hen.

inko tazjiye ke liye bulaya nahi jata, ye khudi pohnch jate hen, darwaze ke bahr beth jate hen, taliaan maar ker taane dene lagte hen, ke mujhe andr aa ker tazjia kerne dau nahin tau chummi le lungi, ameen.

Tagged , , , , ,

6 thoughts on “Pakistan Ke Tajziakaar – 1

  1. Aap ki mehnat aur tajziye ka bohat bohat shukriya. Agli qist mein mohtaram Kashif Abbasi ko bhi shaamil karna mat bhoolein

  2. Ugly Shoelace says:

    Sohail Waraich kidher hey? Wou senior hey.

  3. quite brill… woud like to see kashif abbassi, javed chaud and the king cnut himself shahid masood in the next installment…

  4. Mushtaque Gafur Ansari says:

    Agar Kisi shakhs ka mazaaq banana ho to infiradi taur per usi ke bare mein kahen, Islam deen ko ismein shaamil na karein, agar kisi ko Islam deen achha nahin lagta hai to jo chahe woh deen ikhtiyar kar le. Jis ko Khilafat-e-rashida hi pata no ho us ko kisi dusre ke baare mein kahne ka kiya haq hai. Angrezon ki god mein baithne walon ko angrezon ki burayi nazar nahin aaye gi. Salebi jungon mein in Angrezon ne Muslimon ke saath mein kiya kiya kiya hai, likhne wale ko maalum nahin hai, kaise maalum ho ga unhen jinhen Khilafat-e-Rashida hi pata nahin.
    Agar kisi ko Islam deen se zaroorat se zyada hi muhabbat hai to ismein burayee kiya hai?
    Last itna hi kahna chahoon ga ki nasihat karne walon ko pehle khud us per amal karna chahiye warna nasihat karna fuzool hai.

  5. kya cheez hair sir aap? pleaes add sana bucha and hassan nisar too.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: